السلام عليكم ورحمة الله وبركاته

بعد طول غياب للظروف خاصه
يسعدنى تواصل معكم فى هذا المنتدى الشامخ
اليكم القصيده عسى ان تنال على اعجابكم


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

قـالـو نبي حكمه من الراس لراس=في مـجتمع تغلب عليه السكينه
قـلـبت فكري والقلم فوق قرطاس=لـين اقبلت جزل البيوت السمينه
عشت الخيال بواقع الفكر وحساس=وقلت اسمعو ياهل العقول الذهينه
بعض العرب من كلمة الغير حساس=مشاعره تبقى بصدره دفينه
في داخـله كـذب وتكبر على الناس=دايـم يشـيل أحقاد بغض وضغينه
يشعل شرار الحقد وللشر مقـباس=وبليس مـلـعون الـصـلايـب قـرينـه
مع زمرة الشيطان طرقي وعساس=يـغـتاب ولـسـان النـمـيمه عـوينه
وبعض العرب من سمعته ماله اقياس=كـريـم ويـبـذل ماجمع فى يمينه
في مجلس أهل الطيب والخير جلاس=والـيـا هـرج من بـيـنـهم مـهـتوينه
خوته تشرى والردي صابه إفلاس=محزمك من جور الزمان وسنينه
هـذا هـو اللي خـوته ترفـع الـراس=لـن الـكـرم والجود متحاولينه
الـقـرب مـنـه عـز يـاطيب السـاس=ويكفيك شيخان العرب مادحينه
وان جيت للحكمة تجي دون مقياس=تفطن لها بعض القلوب الفطينه
للصمت حكمه واحذر النفس تحتاس=وحاول تقود النفس مثل الرهينه
والـكـبر مـن بين الأوادم تـغـطراس=لوجاملو له كلهم كارهينه
والكذب مهما طـال صاحبه ينداس=خصله قبيحـة والبشــر نابـذيـنـه
والحزن دمعه واضحه تجلب الياس=عقب الفرح تسقيك شربه حزينه
والحلم في بعض المواقيف نوماس=وصـى عليه الشرع بكتـاب ديـنـه
والعلم بحر وصاحب العلم غطاس=يختـار مـن در الـعـلوم الـثـمـيـنه
والوقت مثل السيف قطاع الأنفاس=إن ما قطعته صار وقتك سجينه
والصبر حمل ومن صبر فيه لا بـاس=يصبر على المـكـتوب ربي يعينه
يلي تقول الناس ما فيهم أجـنـاس=الـفـرق واضـح كـانـكـم عارفينه
هذي هي الحكمة من الراس لراس=فـصـلـتـهـا لأهل العقول الذهينه[/poem]