السلام عليكم ورحمة الله وبركاته

لكم مع التحيه ولـ ( مناحي الرسم ) على وجه الخصوص



[poem="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحه يوم برق المزن لواحي=والماء على النور شاق العين ودانه
غنيت واشتلت هاجوسي ومسباحي=يا ليل ادانه ويا دانه ويا دانه !!
هذي ثمان سنوات ولا انت مرتاحي=يا معرّف الشعر ياللي خضت ميدانه
ف احبالها عاش راسك فكر قداحي=يولع البال من زنده وصوانه
يطلق نسيم البحر مع نور الاصباحي=ويعطر الليل وسكونه من الحانه
يغرس ويزرع ولو ماهو بفلاحي=ويعلم الورد كيف يكون بستانه
ويميّل الغصن به خوخٍ وتفاحي=ويداعب العشب والساقي على شانه
ويداحم اهل المداحم جنب ويناحي=اللي يناحيه ويكشر له اسنانه !
ويحاسن اهل الحسن والسد ما باحي=لو كان يركض ورى باله ووجدانه
كريم لو وقفوا من دونه شحاحي=شحيح فاللي تغث القلب ولسانه !
ربيته انسان لو ما ينظر وياحي=وعودته انه ما يقصر دايم احسانه
ووهبت له روح لين اغلته الارواحي=وتقدم الركب بسلاحه وبحصانه
واليوم اذكيه واكفنه بوشاحي=وادفنه دفنة عزيز لطيّب اخوانه
واقول مرحوم فالعوده ومرواحي=واقول يا ضلع لا يحزنك فقدانه
حمام شجرة شعيب الود لو ناحي=عليه جاوبت نوح الورق بأغصانه
استرجع الذاكره واطوّل شباحي=واقول وش ذنبي اقعد وسط زنزانه
وش عاد تمطر بعد ما هوج الارياحي=اشتالت النخل بعروقه وعذقانه
هذا تراه العزاء لو كنت ذباحي=وهذا تراه الوفاء لو كلك خيانه !
افكر اسمّي مناحي على مناحي=ان يسر الله عظيم الملك سبحانه[/poem]

محبكم : أبومنصور ~ .