بنكهة عذبة وإسلوب رائع
مما راق لي ,
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الحزن بيت ... وصادق الدمع شباك !! = واليل خيّم فوق صدر القصيده !!
والهم شعله .. والمعاذير تنباك !! = منها ضلوع الصدر راحت وقيده !!
طعنت ظهر الحب .. وزداد الارباك !! = ولا فيه علم ٍ جاي من تحت حيده !!
وحاولت ادراي غلطتك واتحاشاك !! = واثرك من الله ودك ابها نكيده !!
مدري وش اللي فيه قصرت .. وش جاك !! = مصدوم منك .. و صدمتي بك شديده !!
مدري اقول : انك على البال وابغاك !! = والا غديت لمخلب الكره صيده !!
اتعبتني من كثر ما ودي ارضاك !! = وضحيت من شانك .. باشياء عديده !!
و كثر الخطا من عين مغليك وطاك !! = من عقب .. مانت براس ماله .. رصيده !!
صـــحيــح / أحبك .. واعشقك .. واتمناك !! = لكن .. سجين الصدر / فكيت قيده !!
دفتر معاذيرك .. شكى من سواياك !! = ماعاد باقي فيه صفحه جديده !!
تعبت اجمّل فيك .. وادمح خطاياك !! = ياخي .. ترا مشاعري عـ / الحديده !!
ماعادني .. يا صاحبي بترجاك !! = فارق .. ترا لا رحت ما انت بفقيده !!
مانيب قايل : عذّب القلب فرقاك !! = بالعكس من بعدك حياتي سعيده !![/poem]
لجزاء البقمي - صحّ لسانه وأكثر
|