مخايل

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ــــــــ

سلام الله بعد مالبارق اللي فالسما قد لاح=اقوله والقصيد يجمله طرقي وقيفاني
معاني في معاني ياكُثُرها والقلوب صحاح=من اهجوسن مع الشعار تعرفني وتنخاني
يامتعب واستمع للي باقوله واترك اللي راح= تراك انته مثل ياصاحبي واحد من اخواني
لقينا ناس ماتت مير موتتها بدون سلاح= ذبحها الخوف يامتعب من افلان ومن افلاني
وانا ماقول في سوق الرخامة تجني الارباح=اقول المرجله وافسوقها لابد تلقاني
لكن قلي على ويش التعب والحرث يافلاح= تبى تتعب وتحرث وانت لازارع ولاجاني
سقيت الارض من دمك عشان الخوخ والتفاح=وخلق الله تبى التفاح في الاسواق مجاني
لكن المخطيه كبرت ولا جاء للخطا دماح= وهي زله من لسان الردي ماهي من الساني
يقولون الجمل طايح وانا اقول الجمل ماطاح=شداده فوق ظهره وان وسم من وسم جداني
تسير القافله والكلب الاسود فالخلا نباح= اثر نبح الكلاب السود يامتعب على شاني
ولا لمت الكلاب السود شافت زندي القداح= في ظلمة ليل يوم الليل خاويته وخاواني
ظفرت المعرفه والمعرفه بابِ واله مفتاح= ومفتاحه يبى يبقى معي لو ربي احياني
كسبت من المراجل ماكسبته والسنين اشحاح= وانا ماهني شح الزمن بعد الله أعطاني
يشح ولاذخرت الا جبينِ بالعرق نضاح= يوردني مواريد الرجال اطوال الايماني
يقولون الضعيف دون بابه تسمع اله اصياح= وانا بالبندق ام الخمس واقف دون بيباني
لكن الحاسد اللي مامعه غير الحسد ياصاح= امانه علمه ان العمر وان طال ابه (فاني)
وامانه علمه والوقت مثل السارق المزاح= علومن من هواجيسي تجيه اشكال والواني
وقله دامت الدعوة بسيطه والجمل ماطاح= انا ماضرني نبح الكلاب اللي علشاني[/poem]





فايز ابورجيله الثبيتي

المرأة تبقى. مرأة
ومن تقول انها لا تحتاج إلى رجل في حياتها.
فهي. كاذبه.
أو لم تكتشف هذي الحقيقه إلى الان. ?.