^
لاعدمتك يا بو بدر
.
.
للرائع / مبارك آل خليفة
يا حـظ مـا ودك تضبطنـي شـوي
اتعبت نفسي معـك بإقبـال واقفـاي
اروح متحيـزم واعـوّد بـلا شـي
ومن اولا كسبي علـى مـد يمنـاي
ماهو بعدل انـك تسـوي كـذا فـي
خليتنـي مكشـوف للرايـح الجـاي
عاد العلامـات القديمـه كمـا هـي
لا لمحة الصورة ولا نغمـة النـاي
ما زلت انا بالطول والعرض والـزي
ولا اختلف قافي ووزنـي ومعنـاي
ما باقي الا احدحـد النـاس بعصـي
حتى رضا غيري تعدا على رضـاي
الشمس ما تدري وش يصير بالفـي
ترسل شعاع النور والفـي غطّـاي
والليل الاسود ليل لـو نـوّره ضـي
خارج نطاق النـور قـزرت دنيـاي
يبيـح سـري لا درى عنـه العـي
ويجهل به اصحابي ويدري به عـداي
اسكت صبر مقصـود واروح واجـي
وادري وش اسوي مع اقصاي وادناي
يسولف المنصح بحبـه وفـا ً لـي
سدد وقارب واضرب الراي بالـراي
وانا لـو الدنيـا تغيـر علـي حـي
يعني بدون مواخـذه عادنـي أيـاي
..
|