[poem=font="Simplified Arabic,6,firebrick,bold,normal" bkcolor="limegreen" bkimage="" border="none,4,firebrick" type=2 line=0 align=center use=ex num="0,black""]
المحب أعمى
يقولون المحب أعمى وأنا اقول المحب يشوف=وصبك من هيامه ما يشوف ألاّ انت في عينه
صحيح انه تجاوز وأطلق النظرة وحس بخوف=على حبٍ من أول غربته لآخر عناوينه
غرام جابه الله بالوفا والمذهب المعروف=غدى ملكي وهو يملك يسار القلب ويمينه
ملكني بالعفاف اللي عليه من الستر نفنوف=ملكني بالوداد اللي عليه أهله موصّينه
ملكني واحتواني لين صرت العاشق المكتوف=أحسّ إني لو أخرج من يدينه طحت بيدينه
ليا غبت أذكره وأوله على شوفه وأجي ملهوف=وحتى لو نسيته يذكر الدم وشرايينه
ولو مره تعبت يقول حاول والتعب مخلوف=معك حتى لو يطول الطريق الصعب ماشينه
هذاك أصل الحنان أصل البياض بطيبته موصوف=تصدق لأجل يرضيني يدوس القلب ويهينه
نوى مره يعاتبني على غلطه وشع كسوف=وعوّد قال: بعض الناس نظراته مودينه
ألا يا أجمل نساء الكون لو مالك عليّ حلوف=أنا والله وافي بالعهد وأنتي توفيّنه
ولو ناظرت وأمعنت النظر مره على المكشوف=فضولي شين حب المعرفه بالشي في حينه
تريها بس نظره عابره ما ألحقتها بحسوف=أبعرف هو حبيبي فيه بين الناس في زينه
أنا والله مقدر غيرةٍ قامت تلوفك لوف=أجل محقوق لك واللي تسويّنه تسويّنه
أحبك وأعتقد يكفي وغيرك مستحيل آشوف=محبه من محبٍ صرت كل الناس في عينه[/poem]
|