[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

يدور الوقت والدنيا تجارب=وكل انسان له هجس ومآرب
احد ماصارع الوقت وعذابه=واحد ماذاق صافيت المشارب
تشاوتنا الليالي شوت كوره=ولا تعرف قدر لحية وشارب
تدور أبنا الليالي في رحاها=وتصعقنا مثل صعق الكهارب
احد يرجو النجاتا من يديها=وهي تاكل على وجه وغارب
تحل أبك المنية وانت غافل=بشرق الارض والا بالمغارب
تجيلك لاومرها الله تجيلك=ولو تهرب فما دامت لهارب
طويت البيد واتعبت الاصايل=وضربت البحر ببطون القوارب
مسيرة عمر واحداث وغرايب=شواهدها عطيبات المضارب
ارد سبور بقعا لا نوتني=وجاهدها مثل جهد المحارب
اخذت من التجارب ماكفاني=لو ان الموت من بعض التجارب
وعرفت اشكال واجناس وبدايد=وفهمت سلوم مستعرب وعارب
فلا تغتر من ضحك الثنايا=ولا تترك يدينك للعقارب
فلا همٍ مثل هم الديوني=ولا ضيمٍ مثل ضيم الاقارب
[/poem]