مستور الذويبي

[poem=font="Simplified Arabic,6,orange,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black""]
قالت:وهي تستر بياض الثلج بشركة العباه "="أوصف لي المنظر ببعض أبيات (وأربح بوستين )
منظر غياب الشمس لحظة فارق اليوم الحياه "="وحاول تصوّر ليه أحسّ الليل لفراقه حزين ؟
ماكمّلت ماقالت ألاّ والقلم طاير غطاه "=" اسمع صدىصوته يناديني يقول:البوك وين؟
ولاهي ألاّلحظتين وكل مايطلب لقاه "="وانته عليك تشوف وش تعني لشاعر لحظتين ؟
طالعت يم الشمس ..جريّته ..تثاقل في خطاه "="عنده غياب الشمس يهديله مع الذكرى حنين
فيها يشوف آخر مداين غربته وأول عناه "=" وفيها يشوف الغربله لأقصى طموح الطامحين
ومنها تاكدّله بأن العمر ياصل منتهاه"="والعمر محسوبه تفاصيله بدورات السنين
(نزف القلم مٌحزن) ..ولكن رجّع لجوّي حلاه "="صوتٍ قطع حبل الحزن (نحنٌ هناياسارحين! )
طالعت..قلت:الله ياأحلى صوت من أحلى شفاه "=" أحلى شفاه وبس ! لاوالله ياأحلى وجنتين !
يامبتدى شعري وشعري فيك يحلا مبتداه "=" غياب مين؟اللي يفجّرني قصيد وشمس مين ؟؟
ماهومفكّر في غياب الشمس من شمسه معاه "="وماهي بعاسرته طروق الشعر وأنتي تلهمين
ياواهبه حرفي ليا منّه غرق طوق النجاه "=" يامغرقتني بالبحور السود يوم تسلهمين !
هذا وأنا حالي وأفكّر باللثام وماوراه "="اللي لفاني دافي أنفاسه بفلّ وياسمين
قالت بعد ماقاطعتني ضقت بالوقت وشقاه "=" عدّى بسرعه دوب أنا وياك قلنا كلمتين
في وقتها مدري وش اللي صاب قلبي ؟وش دهاه؟"="ضاع بطريقه حاجتين ..وحاجتين ..وحاجتين
وراحت بلاموعد (مراح مقيط ) وعيوني (رشاه) "=" حتى لشعري وانتصاره ماوفت بالبوستين !![/poem]

عشرين عام ..وماتغيّر ولاشي!
نفس الرسوم اللي على باب دارهـ
حتى شبابيكـ التلاقي كما هي!
النقش ..وألوان الحشب ..والستارهـ
معقول ياقلبي قديم الهوى حي!
بشّر ..وأخذ مني كبير البشارهـ