مبارك ال خليفة :
عد ما غرد القمري وهب النسيم
يا سلامي سلام ٍ فيه جرعة وفا
ويش رايك تعلق يالصديق القديم
ما صفا الجو يابن قنيص والا صفا ؟
عبدالله بن قنيص :
ضاع حق النشاما مع حقوق الحريم
القضايا تتابع والمحامي سفا
سالت سيول جده واقتفا السيل ديم
وكل ما يذكر ابن قنيص كلمه نفا !!
مبارك ال خليفة :
انت تشره على تلحين عبدالحليم
وكل ما قام حصل للحون اهتفا
ودك تزيد نورك وانت ليلك عتيم
راح وقتك وليتك يالحساوي طفا
عبدالله بن قنيص :
انتبه واستقم في خطك المستقيم
لاتجيني تقول الوجه مثل القفا
كان شاعر قطر في كل وادي يهيم
لايعرض سبوت الرجل يم الحفا
مبارك ال خليفة :
مادري من يشد ومادري من يقيم
والعرب ودها بالبرد والا الدفا ؟؟
احسب انك محنك واثر عادك غشيم
ودي احاسبك لكن ربك عفا
|