مستور الذويبي

يا معلّمني عن اللي صار عطنـي ربـع ساعـه
لين أضيف اللي طرالي من هجوسي وأستضيفـه

وقّت الساعه و سجّـل نشـرة أخبـار الإذاعـه
وأترك التلفاز ينشـر علمـه بصـدر الصحيفـه

مركب الحريـه اللـي للفـرج يومـي شراعـه
عقب مـا أبحـر بالمعـدات الثقيلـه والخفيفـه

أعترض له من يبيع العهـد ويخـون الوداعـه
ليـن حـوّل بالهيلوكبتـر وشالـه بالقذيـفـه

اليهودي من قديـم الوقـت مكشـوف بقناعـه
يدعي معنـا السـلام ويخـدع العالـم بزيفـه

يستبيـح الـدم ويبـوق المواثيـق بخـداعـه
ويطلع من الدم وجهـه طلـق وثيابـه نظيفـه

وأمه اللي ترضعه في حيد أخوه مـن الرضاعـه
أن روا منهـا تفكـه يسـرح ويمـرح بكيفـه

والعرب تزمر غضب .. من ذل ماهو من شجاعه
وأستعانت فـي مشاعرهـا الرقيقـه والعنيفـه

يدفن المريوس راسه غصب والريّـس رعاعـه
لو تشوفه في احتفـالات البـلاد يسـلّ سيفـه

تشجب اصحاب الجلاله والسمو مـن الجماعـه
والنتايـج تقتسـم تنديـد الأمـه بالنصيـفـه !

راحت القدس الشريفـه بينهـم مثـل البضاعـه
وبكره الضفّه وغزّه .. تلحق القـدس الشريفـه

لدكتور التواقيع :سداح

عشرين عام ..وماتغيّر ولاشي!
نفس الرسوم اللي على باب دارهـ
حتى شبابيكـ التلاقي كما هي!
النقش ..وألوان الحشب ..والستارهـ
معقول ياقلبي قديم الهوى حي!
بشّر ..وأخذ مني كبير البشارهـ