بين المكاسب والخسايـر
مافيه فالكـوره خسـاره
ماهـي كبيـره فالكبايـر
ولاهيب فالدنيا شطـاره
خلّو لنا يااهل البصايـر
جمره على راس الصقاره
احلامنـا بجنـاح طايـر
وامواتنا في كـل غـاره
مافيه جيـش ولاذخايـر
ولو فيه مافينـا نعـاره
اللعب لشيـوخ العشايـر
والمجد لاطفال الحجـارة
ماباقـي الا حلـم بايـر
ونضخّمه تـاره وتـاره
حطّوا على الطاقه ستاير
لو ينفتح بـاب العمـاره
ولاتزعجينـا ياالضمايـر
صكي براسك فالجـدارة
هيّا بنـا إلـى الجزايـر
نشجّعه فـي كـل حـاره
مابين عضو وبين زايـر
ندفع ثمن حب الجسـاره
ودم العرب لاصار ثايـر
تشوف فاالملعـب إثـاره
الله عليك الله عليك !
فعلاً انت شاعر قومي !
|