[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياغافل (إ)لك الله ليا صار مامنك=غير إنّك تصدّق من يجاملونك
لاتتبع اللي فاالمجالس يداهنك=صاحب رجالٍ فاالخفا ينصحونك
ماكلّ من يضحك بوجهك يثّمنك=ولاكلّ من هلّوا بزولك يبونك
لاتنخدع لو صفّوا أيسرك وأيمنك=وليا مشيت بدربك يسابقونك
ياماأكثر أصحاب المصالح وياعنك=ليبيّعونك عقب مايبايعونك
والله لوتحتاج شخصٍ يعاونك=منهم على الشّدات ماياصلونك
ناسٍ على حسب دراهمْك فاالبنك=ليا (إ)كثرت كثروا وقاموا يجونك
وإن قلّت فلوسك تبى أحدٍ يديّنك=ليتك من المدّان توفي ديونك
واللي منوّل كل ماإحتاج يزبنك=وقبل تنادي إسمه يجاوب ياعونك
الله ماأقرب عذرٍ يخارجه منك=إن كان ماطنّش رقم تيلفونك
ناسٍ ماغير همومها الجيب والحنك=وليا ملوها صكّوا الباب دونك
الموت لو بيدينهم كان دافنك = أقربهم من اللي يبي يارثونك
وإن كان حدّك للحيا طيب معدنك=ماأقول بيّن كرههم في عيونك
لكنّ لاتضمن بما لايضمّنك=ولاتآمن أصحاب السعه يخذلونك[/poem]
|