|
من صنت الى نايف و سلمان آل سعود..
http://mizou5.com/uploads/files/z3ol.com-b801370973.wav
إن كان ما الله ثم نايـف وسلمـان
وألا ترى ساهـر بظلمـه وطانـا
يضحك وفي صدره ثمانين شيطان
يسرق ويأكل من جيـوب أفقرانـا
لا هوب لا فاقه ولا هوب رحمـان
ولا هوب حامي كان ماالله حمانـا
شكله يحب السحت وضعيف الأيمان
يدبل ارقومـه لـو توخـر حدانـا
يبغا زيادة مـال ويمـد الأرسـان
فوق الرقاب وسقوتـه مـن جدانـا
هذا نظام الساهـر اللـي بجـدران
صاير علينا مـن نقومـة اعدانـا
مار السعد في رأي نايف كحيـلان
وابو فهد فـي لا زمـه مـا توانـا
الشعب غالي وانتم أغلا وشجعـان
في ذمتـي مهيـب كلمـة جبانـا
ردة فعل رتبتهـا بشعـر الأوزان
قول المواطـن وأيـدوه أصدقانـا
وصلاة ربي عد مـا هـل هتـان
على الرسول اللـي بهديـه هدانـا
الشاعر/مشعل بن صنت العصيمي
يـا مغـسّـل الامــوات للـمـوت تـذكـار=انـشــد و تـخـبـرك الـنـجـوم الـمـطـلـه
انشـد بـلاد الشـام و اديــار الاحــرار=لا تـنــشــد الــعــشّــاق والا الــمــولّــه
الـيـا تـراخـى راعـــي الـــذل و انـهــار=ف/ الشـام ماهـي بـالـردا مُستَحـلَـه
منها يشعّ النـور و تطـوف الانـوار=كــــل الــوجــود و نـــــوّرت بـالاهــلــه
و ان ثـارت الهيجـا مـن يديـن ثـوّار=ف/ رجالـهـا مـــا سِـــوّروا بـالاغـلّـه
تنصا المنايا من شجاعه و تختـار=مـوت الشـهـاده عــن حـيـاة ٍ اِمْـذلّـه
وْبين الشتا و الصيف مدفع و طيار=قتـل وْ تشـرّد.. هـدم مـنـزل و فِـلـه
وْطفلٍ رضيـع ايصـارع الجـوع فغّـار=و ام ٍ كـسـيـره.. و الـحـيـاه المـعـلّـه
وْبـشّـار مـوسـاد الكـفـر ســاد كُـفـار=اســتــعــبــد الــعـــبّـــاد رب وْ تــــألّـــــه
يبـطـش بـقـوّة بــاس قـاتــل و جـــزّار=و ايـران سـادت و استبـاحـت بظـلـه
يوم العرب لاهين ما بيـن الاسعـار=فــي ســوق دنـيـا بالـعـلـوم المـخـلـه
عِــــبّــــاد لــلــدنــيــا و عِــــبّــــاد دولار=و وجيهـهـم تـحــت الـــردا مستـظـلـه
|