السلام عليكم ورحمة الله وبركاته



للتواصل هنا اسمحولها بالمرور !
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]



لو ان المزاج بعيد والفكر مشغول = مع الوقت وايامه وسود الليالي

:
لكن الهجوس تحن من حول لا حول = تقول اطرق القيفان واللي بقا لي

:
ماغير اتذكر واضرب العرض في الطول = واحضر جوابي لاجل اغلّق سوالي
:
سياسة زمان الهول تشبه لابى الهول = ياحيدٍ مكوّد ماش .. في وظلالي
:
عجايب قبلنا شي ماهوب مقبول = نرز البعيد وشرنا في الموالي
:
بوقت اللوازم كان مايوجد ( INCALL)= غدينا طعم للضد في كل حالي
:
ينبهك يالواعي من الوقت مرسول = خلقك الولي تفرق حرام وحلالي
:
سمعنا باسم مسؤول ماهوب مسؤول = يهبهب ليا هبت هبوب الشمالي
:
يزوّل لخلق الله وهو زول من زول = ومن يبحث ارشيفه يحصله خالي
:
لوان الحقيقه دونها باب مقفول = ومنه الصدور تقول تصلى بصالي
:
صمتنا وطوّفنا ولاهو بمعقول = يامرخي حبال الحق مس الحبالي

:
ترا من تهاون بالخطا جاه مدبول =ويندم بعد ماكان عنده مجالي

:
عن الحق واهل الحق ابى اقول واقول = عسى الله يخلي للرجال الرجالي
:
ويطلع نهارٍ يقلع الظلم ويزول = ونرتاح باق...... ايامنا والليالي

:
على الله توكلنا وحنا على طول = تحت راية الاسلام باول وتالي
[/poem]


وسلامتكم يالغالين