[poem=font="simplified arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جيتي وكاهلْك حِمْله يقصر إخطاك=تبى تقولين زُوّجت (إ)مغصوبه
لكن قبل باالكلام تتمتم إشفاك=لاحظت لي شي يمكن مادروا به
عرفت من لبسة الدبله بيمناك=وقلت (إ)لك من قلب (مبروك الخطوبه).!
إي والله أقولها وأنا أتمنّاك=يااللي هواك العظيم أكبر عيوبه
هي أعظم مقابله من خلف شبّاك=بيني وبينك دقايق ومحسوبه
عليك من عظمها تأثير وإرباك=والحرف من فمك في جذبه صعوبه
هذا دليل إن ماهو طبع ممشاك=لكن هذا الحبّ مانجهل ذنوبه
ودّي بعزّك ولاودّي بفرقاك=يااللي حفظتي تقاليد العروبه
إرضي نصيبك تراه ليا تعدّاك=ماتنضمن عودته على دروبه
روحي ترى فرحة سنينك تحرّاك=لاتلعب برآسك الدنيا اللعوبه
إعتبري إنّي نهارٍ لك بدنياك=أشرق بخير وسعد وأعلن غروبه
أكذب لو أقول قبل أموت أبنساك=لكنّ عن حبّ غيرك قلت: توبه
أدري إنّ ماكلّ من دوّرك يلقاك=ولاكلّ علاقة أحباب (إ)محبوبه[/poem]
|