يا ليت البريد الاكترونـي يعـرف النـاس
علشـان مـا يقبـل وراعيـن خلـق الله
صحيح انه أفضل من عناء الحبر والقرطاس
لكنّه علـى قـول المثـل .. علّتـه علّـه
تطفّـل عليـه أطفـال مختلفـة الأجنـاس
بـلا معرفـه مـن حـط عنـوان ترسلّـه
عناوين وهميّه .. ومـن مصـدر ٍ هـلاّس
ظهر له طرف علم .. وجحر وأندفن كلّـه !
هذا نكّه الحـرّ .. وهـذا نكّـه القرنـاس
وفيهم من طيور البحـر .. طبـع وجبّلـه
واحدهم .. كلامه جامد وناشـف وحسـاس
ولو نلتفت لـه قـام يرجـف مـن الذلّـه
أجاهد فضيخ القلب .. وإلاّ صديع الـراس
وأنا خصمـي اللـي يعقـد الحبـل ويحلّـه
يا بدو الذهب يبقى ذهب .. والنحاس نحاس
وراع الضغينـه يمسـي ويصبـح بغلّـه !
ما شاء الله عليك يا سداح
|