النيره

•

ياصيدة الحـرّ الثمينـه .. طالـت ايـام الهـداد
لعيونك ، اللي مالهـا عنـدي نظيـر ولا شبيـه

تستاهليـن البحـر والبحـار .. والمـا والبـراد
واستاهل المرجان واللولو .. من القلـب النبيـه

جيتي ، وانا نظرة خفوقي للهوى كانت ، سـواد
أحـدٍ يبيـه ولا يبـي .. واحـدٍ يبيـه ومايبيـه

فاقد ثقه فالحب ، يـوم العشـب جـرّده الجـراد
لا والله الاّ ، روّح بطعـم السعـاده كـل ابـيـه

آمنت ، بانّ العشق .. شعب امشرّد ومالـه بـلاد
رحّال لو انّ اكثر اشعوب الهـوى مـن مُعجبيـه

وآمنت ، بانّ الغيره العميـا .. ظوافرهـا حـداد
ومايقتل العشـق العظيـم .. الاّ شعـورٍ تجتبيـه

على العموم ، الله رحمني مـن لهيـب الافتقـاد
ومن لايبينا ، ينحـرق كرتـه .. وحنّـا مانبيـه

هذا خفوقي في يدي .. من نار مدري من رماد !
امّـا خذيـه بكـل حالاتـه معـك .. ولاّ جبيـه

وانتي فرس طالت جوادٍ .. قام من كبـوة جـواد
يسابقون الريـح .. فـي شـيٍّ يحرّكهـم دبيـه

لاتسأليني ، كيف ؟ ولاّ كـم ؟ ولاّ ليـش عـاد ؟
بلّي سؤالك .. في طرف كاس المحبـه واشربيـه

وويقي على صدري .. وشوفي ليش موفور المداد
ومن علّم كفوفي عليه .. وقـال هاتـي واكتبيـه

وصدري ، بقايا بيت .. بعثره الغلا غـرّة جمـاد
والبيت بيتـك .. نظفيـه ، وزينيـه ، ورتبيـه

لي منك هذي ، والك مني .. قلبي ، وبانت سعاد
واليا عطيتيني .. غلا ، في عشر مرّات اضربيـه

الله الله الله
الله الله الله

ياحلو هالتوقيع

لـِ شاعرنآ المبدع / فيصل السوآط