[frame="7 80"] اليكم هذه المتواضعه اتمنى ان تنال رضاكم [/frame]
[frame="7 80"]
حن رعاد المخيل اللـي تلـوح بروقـه
من جبال طويق لين الضلع خشم العاني
وان ومره الله على داره وهـل حقوقـه
بامر ربي راح روض كنـه البستانـي
يفرح اللي من جـدوده وارث ماسوقـه
ذخر عود فالقدايـم يخلـي المرحانـي
جعل يهدا باله الضايق ويكحـل موقـه
ويشكر الله كل وقت ويدحر الشيطانـي
والسلاح اللي منول كاشـف صندوقـه
يذخره مـا دام لاضامـي ولا جيعانـي
والامر ماهوب مع برقا ولا مع الروقه
انتبـه ياللـي تحايـل كفـة الميزانـي
بين شمطان اللحى واهل اللحى المحلوقه
لو فتحنـا للتواصـل هاتـف مجانـي
راح كل الشرق الاوسط بيضة مسلوقـه
وانتعش سوق التميس وزبـده الدهانـي
وانفتح باب منـول محكميـن اغلوقـه
وذبحت طيور السلام وكثرة الغربانـي
والرفيق اللي معاهد لـه رفيـق يبوقـه
والسجين يسلم امره حضـرة السجانـي
والتقي يصبر ولو وقتـه يبيـن عقوقـه
والولي له حكمة تمضي على العربانـي
وسلامتكــــم
[/frame]