السلام عليكم ،،

قرأت قصيدة الغالي / ناصر تراحيب - المرثية في الفقيد العزيز علينا والد زميلنا الكبير / عبداللطيف الغامدي على هذا الرابط

http://montada.mergab.com/showthread.php?t=50617

وظهرت هذه المجاراه البسيطه .. السموحه من ناصر وعبداللطيف ومنكم جميعا

اسال الله العلي العظيم ان يرحم والد زميلنا ابو راكان ويسكنه جنان الخلد مع الابرار من عباده ..


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعد ما رميت هجوسي العوب بالأدراج=وسكّرت سمعي عن طروق ٍ تناديني
بدالي على الواهس مجال وبدون إحراج=ابستاذن اللي قام قافه يلاحينيي
يا ناصر تراحيب السموحه على ما لاج=في صدري بعد جريّتها بيني وبيني
تعزّي وأعزي معك وندوّر المخراج =عسى الله يقويّك وعسى الله يقويّني
نواسي رفيق ٍ بالوفاء والمراجل راج=عليه البياض وما يسّر العزيزيني
تحصّن بعلم الطيب عن هرجة الهراج=ومدّ الوفاء بين الرجال المسميني
ولد غامد ونعم المناسب ولا يحتاج=كفو للكفو والنعم والمنطق الزيني
لو ان القبيله تختلف فالقلوب ازواج=عليّ الحرام انه من الناس الادنيني
فقد والده والموت حجّه بلا فلاج=وسنة ولي العرش ربّ الثقليني
عسى الله يبيحه عدّ ما ماجت الامواج=و يآرد مواريد العباد المياميني
ويعرج عن النيران في حزة المعراج =عتيق ومعافى عند كشف الموازيني
تصبّر يا بو راكان لو حزن قلبك هاج=يا راع الوفاء واللي مشقّيك مشقيني
توجه لخلاق البشر في دعاك وناج=رحيم ٍ يلبّي دعوة المستحقيني
لعله في جنة عدن يا الوالي الفراج=ولعلك تدوم بخير يا بن الكريميني
[/poem]

وسلمتوا ،،

>> هات و دوك ! <<