ألا ياسعـادة وطأهـا منهـك التأثيـر
تمـر الضـلـوع المجدبةماتعبـرهـا
إذا (ون) خفاق الجسد قلت له لاضيـر
حنانيك في حـدب/ن بلـت لاتعورهـا
مادام النوايب بالحشـا فعلهـا تعزيـز
فخل الدموع اتعـل فيضـة محاجرهـا
أنا حدي بوضع الرضا يوم كنت صغير
ألـم الأمانـي فـي يدينـي واطيرهـا
جميع الأمور ميسـرة مالهـا تشفيـر
واحسب المظاهر ما تخالف مخابرهـا
كبرنا ومعنا بـادرت رحلـة التكديـر
تهيج وتفجر وسط جوفـي مخاطرهـا
ذبلنا وراحت كل بهجة مـراح الطيـر
مسح عنفوان الكبـت باقـي مآثرهـا
جميع المآزق رافضة فكـرة التدويـر
لي اسنين أكابـد مبتلاهـا واسايرهـا
مع َ كل هذا الزخم والهـم والتصغيـر
أتابـع مكامـن كـل قـوة واطورهـا
أكابد ضغوط الوقت واصنع لها تبريـر
لو الروح ضغط الصبر والهم حاشرها
نبي قافلة عمر /ن وطاه الزمان تسيـر
لعل الولـي يمسـح بقايـا مخاطرهـا
بعد كل هذا يابشايـر صبـاح الخيـر
ترى كل عيـن/ن ناعسـة مانكدرهـا
لك الله عينك لاغشـا طرفهـا تحويـر
علوم السعة لااغضيت نشفت محابرها
تغضين طرفك عمد من باب لطف الغير
وأنا أراجع الفاظي بسرعة واحضرهـا
من اسنين والخافق مجير لكم تجييـر
لو الحال كثر الشوق والوجد دامرهـا
ولاهي خسارة فيك يافائـق التصويـر
إذا أضفت عليك ضلوع صدري ستايرها
أنا من عرفتك مااعترى ودك التقصيـر
إذا النفس ضاقت بالتفانـي تشاطرهـا
لذا تستحق الشكر والحـب والتقديـر
من الشاعر اللي كل نجمـة يسامرهـا
الله الله الله
انت وين من زمن
صح لساااااااااااانك وعلى شانك
سعدة بقراءة نصك من جديد
تحيتي لك
|