بسم الله

00000

000

0

[poem=font="Simplified Arabic,6,black,normal,normal" bkcolor="transparent" bkimage="" border="double,5,gray" type=2 line=1 align=center use=ex num="0,black""]
ماني بمعجب فيك ياسور بكين =ولاني من اللي فيك زايد هَوَسْها
انا بدوي ٍ يعرف الزين والشين = متمرس ٍ عاش الحياة ودرسها
وشالت متوني ماتشيل البعارين =وناري على روس النوايف قِبَسْها
وطيري ليا مِنّه فَرَد بالجناحين = حاف الحباري فالطريق وفَرَسها
والا انت صيني طِلْت في دولة الصين = الدولة اللي مِبْعِدَ الله رمَسْها
عن ديرتي دار الملوك السلاطين= اللي عسى رب العباد يحرسها
وِانْ شفت في صدري من الهم جرحين = خل الجروح وصدرها اللي حَبَسْها
واخْذَ الكلام اللي يِعَدْل الموازين = ويَجْلي عن عيون المعمّس عَمَسْها
هذي الحياة احلام وبيوتها طين = خرسا ولادري وش يداوي خرسها
تقبل وتففى والفتن بين قوسين = دارت دوايرها وعَلّقْ جرسها
وقامت تِحاصرْنا منِ يسار ويمين = مثل الظلام انْ حَل بارضٍ دِمسها
واللي ورى الفتنه تحوف الميادين =عميانةٍ شيطانها مِلْتمِسْها
والدين واضح بالحجج والبراهين = غَرْسَه ومحمود الخصايل غرسها
لين اصبحت بعده زروع وبساتين =وفيها سعادة كل نفس وونَسْها
واللي تشكك في ثوابت هل الدين = ياجعل ربي مايِطَوِّل نِفَسْها
ناس ٍ تبجّح بالصحف والدواوين= وتنفث على روس الخلايق نجسها
وبوجيهها للْخبث رسم وعناوين = ومهما اغتنت بالكذب بَيّن فَلَسْها
لَنّ الحقيقه شمسها لازم تبين = واللي يحاول طَمْسها ماطمسها
هذا الكلام الصح ياسور بكين = من شاعر ٍعاش الحياه ودرسها[/poem]

(( محمد بن دخيل القثامي ))
mda9595@hotmail.com