[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
واصليني وامطريني من وصالك=لا تشحين المطر وانتي سحابه
والله اني لا محاله منك هالك=كان صار البعد والوصل متشابه
قلبي اللي نبض شريانه حلالك=قل وصلك في متاهاته غدابه
يشتكي ويقول لي قل اتصالك=واعذله واقول عذره من غيابه
وان تضايق من ورى فكري مشالك=يكسر الاحزان في وجه الرتابه
يا عيوني كيف ابرضالي بدالك=وانتي الحلم الرحيب من الرحابه
الحزن حالي وهذا الليل حالك=ممتلي وجه الحزن دمع وكأبه
ليتني لا جيت في بالي سؤالك=رحت في صدري تفاصيل الاجابه
اشرقي نور المحبه من خلالك=ليلة المشتاق من ليل الغرابه
وأكتبي لي ما منعك وما طرالك=واسمحي لي بأسمع حروف الكتابه
كل آه وكل ليه وكل ما لك=من شعور القى ورى صدري صوابه
المحب اعمى بصيره لو بدالك=ان ما قبله ولا بعده نجابه !![/poem]