هذا أنا.. وان كنت ناسي.. لك عذر
خله بصدرك.. ترى اعتابي شحوح


هذا انا.. لا تجف.. جيتك يا بحر
في يديّ.. أحمل بقايا من طموح


ما بقى لي.. من جلد صبر نهر
لو بقى له في جليد الشوف روح


جيتك.. احملني على جمر السهر
جيتك.. احملني على موجك وضوح


الحزن... سيّاف.. مشوار العمر
والعزا ... زفرات دمع وآه بوح


كم مراحل عمر.. اكفنها شعر
لين صار الشعر.. جثمان الجروح


يابحر... دثرت وقتي.. بـ السفر
لين صار الدرب.. من حزني ينوح


يابحر .. صمتي بدى ينزف قهر
يابحر .. ضيقي منه صوتي يفوح


يابحر .. لي ناس واصحاب وقدر
يابحر .. فيهم عتب .. صمته صدوح


يابحر ... واحبابي ابكوني صبر
يابحر ... صرت اعتبر قاسي مزوح


يابحر ... من شي.. جيتك يابحر
يابحر ... ما مات حزني.. وين اروح