هذه المحاوره قبل ايام قليله بين حبيب العازمي وصقر سليم بعد اعتزال الشاعر الكبير / عوض الله ابو مشعاب
وتسليمه المشعاب من بعده لـ الشاعر / صقر سليم
سلام الله سلام ٍ يكفي الحضّار والغيّاب
ويكفى الديره اللي كلها حره وضلعاني
ليا منا تواجهنا ياصقر سليم ابو مشعاب
ابو مشعاب الاول راح وانته روح يالثاني
صقر سليم
هلا يامرحبا ترحيبة ٍ نرضي بها الاجناب
بني عاصي منول عندنا فالدار جيراني
هذا المشعاب دون الدار نردعبه هلا الارهاب
اظنك ياحبيب تعرفه من ماض الازماني
حبيب العازمي
الا يالله لاتفتح على الحره لو انه باب
على شان انها تبقى كذا من غير بيباني
تجوّد فيه ميراثك شباب ووارث الشيّاب
وانا السيف المخضب مارثي من عهد جداني
صقر سليم
مالومك ياحبيب يوم تدعي بعد راسك شاب
بعد ربي رمابك بين ظلم وبين رضواني
ياراع السيف سيفك ماسمعنا انه يقص ارقاب
ومشعاب اسلمي تخضع له الارقاب من داني
حبيب العازمي
انا لن رحت والا جيت راح الداب جاك الداب
ولو اجلس 100عام وزياده لاتباطاني
ليا منا تقابلنا وصار الماقف الغصّاب
هذاك اليوم مشعابك يعوّد معك مجاني
صقر سليم
زمانك ياحبيب كل كلمه حطــّها بكتاب
طريقتك الوحيد تشتكي لـ حقوق الانساني
قبل يوم اللقاء لابد تحسب للامور حساب
بعد جمعان محد ذاق مره غير جمعاني
حبيب العازمي
ابكتبكم على الدفتر واصوركم على المرقاب
واقول الناس هذي وش بلاها اشكال والواني
صحيح الموت واحد والتعدد عدة الاسباب
وانا ماني بميت زال يوم الموت ماجاني
تنسيق / ناصر الشيباني