!
!
!

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ان كان في غيابك كبرت بفكرك = أنا من غيابك تغذا جسمي
سهرت ليلك ماطلع لي فجرك = وأن ضاقت الجدران قلت " أبتسمي"
وجات النتيجة عكس ماكنت أدرك = وقسمت لي أشياء ماهيب قسمي
مادري وش آخذ منْك ولا أترك = والموقف الحسمي قراره حسمي
ماهو بحقي منك ومن قدرك = على البساط الأحمدي والرسمي
مشاعري لأجلك تحر وتبرك = ماتدري انها لا ابركت لك تسمي
من يوم مابين جفاك وهجرك = لديت في عروقي وقلت أنقسمي
مليت أداري مثلك .. وأنتظرك = واستقبل أغاني حسين الجسمي
ماني على هقوتك ولا خبرك = اكبر على الدنيا .. ويكبر أسمي
ما أبيك تعصر لي سحابة صدرك = وأرضي تغذا من حقوق الوسمي
خسرتني والله يعظم أجرك = في شعري وفي روحي وفي رسمي
بعطيك معلومه ماتخفى فكرك = ماينحني راس ٍ يشيلة جسمي
[/poem]


\

تحيتي