السلام عليكم ورحمة الله.


[poem=font="Simplified Arabic,5,blue,bold,italic" bkcolor="transparent" bkimage="" border="double,2,white" type=1 line=1 align=center use=ex num="0,black""]
البارحه ياشعيل جاني منبه=بعد انتحى من مقدم الليل ثلثين
أرتحت له ياشعيل والقلب حبه=قبل العلوم وقبل ويش انت ومنين
قلت إشرب الفنجال قال إيه صبه=وصبيت له من كيف روس السلاطين
قال أنت كل أنسان حبك تحبه=قلت إيه وأبقى له على العسر واللين
طبعي كذا ديني ودين التشبه =معطيني الله وجه ماهوب وجهين
ثم قال أنا ما جيت من غير سبه =ولايقبل الموضوع تأجيل بعدين
والآدمي وإن صد عن ذكر ربه =مافاز بالجنه وخضر البساتين
ويندم على أياماً مضت مستحبه=ماكان فيها يستمع للمواذين
سيطر عليه إبليس وأخلف مهبه=والمغريات اللي من يسار ويمين
والعلم من صاحبك يكفيك لبه=ونصيحتي لك خلها بين قوسين
أصبر وكافح والدهر لاتسبه =وإسجد لوجه الله بين المصلين
وتلقى كتابك ماأحتواه وكتبه =في ساعةً فيها إختلاف الموازين
والآخره فيها إجتماع الآحبه =الله لايحرمك من حورها العين
قلت أشكرك والله يديم المحبه =ولعلنا من كل ذنب معصومين
وإختامها ياشعيل للجرح طبه =والله على الكفار ينصر فلسطين.

[/poem]وسلامة الجميع..