منتديات المرقاب الأدبية - عرض مشاركة واحدة

26-07-2010, 07:37 AM

( نوعا ً ما ) !

\
/

[poem=font="Traditional Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]

اثر الغلا لاسكن في قلب رجال = خلاه محروم .. لو ماهوب محروم

يحط بين الضلوع العوج مدهال = للوجد .. والفقد .. والتبرير ..واللوم

اعروقه تبث مثل ابراج الارسال = اربع وعشرين ساعة .. شوق .. في اليوم

تستعرض الذبذبه .. دمه .. وتختال = ويمر بين الخلايا قيصر الروم

وانا بعد قمت منه بـ طلقة عقال = من بعد ماكنت فيه اطيح واقوم

كسرت ماكان في صدري من اغلال = وانهيت روح التعب في لذة النوم

على كثر ما يشوف القلب مامال = وليا بغيته يميل .. يصد .. ويشوم

مقفي ولاعاد له مخرج ومدخال = الا على ذكريات ٍ كانت هموم

لكن مدري وش الي غير الحال = كني ّ لقيت بخفايا قلبي علوم

بعد ادخلت في حياته حلوّة الفال = علاقة ٍ توها في جوه تحوم

لو انها .. حلم من مبطي ولا زال = مستوطنه في شعوره دايم الدوم

اوسّع الصدر .. لو تضيق البال = واكون ظالم وانا بالعكس مظلوم

تبدي باحاسيسها واصير جمّال = في كوم .. والعالم بمافيه .. في كوم

ربّت شعوري مع اني ( مربيّ اجيال ) = واخاف ابين غلاها واجرح الصوم

واذا ما روضتها مانيب خيّال = وان كان ماطاوعت لي .. جعلها القوم

تغرّبت وافقدت في الحب .. رجال = شرواه في تالي الايام معدوم [/poem]