ياناصر المرشدي فاضت عيون القصيـد=بعد اكتست من تباريح الحـزن ثوبهـا!!
سو البخت صايرٍ في يدين الافـراح قيـد=ما مرني من ثـلاث شهـور مندوبهـا!!
وقفت بالصبر في وجـه الزمـان العنيـد=وشانت ظروف الحياة وضاقت دروبهـا!!
نار الهوى موقدة وتقول : هل من مزيـد=وانا سلـوك الغـرام تجرنـي صوبهـا!!
الفتنة اللي فرقهـا كـل وصـفٍ فريـد=والزيـن ماكنـه الا وزعـةٍ دوبـهـا!!
جتني تهادا مع الشريان مـدري الوريـد=ولاخذت من ضلوعي غيـر مطلوبهـا!!
ماهقوتي عقبها يطري على البـال غيـد=في غيرهـا رغبتـي ياقـل منسوبهـا!!
مرحوم ياحلمي اللي مت ماانـت بشهيـد=وذبحتك ماهي بشئ !! من أصغر ذنوبها!!
عهد المجاريح يكتبنـي قديمـه .. جديـد=للي تصب الجـروح بنفـس محبوبهـا!!
تقدر ترد الشقـي بعـد الشقـاوة سعيـد=لكن ما حررت نفسـي مـن كروبهـا!!

..