|
(((مسابقة شاعر الوطن المرحله الثانيه؟؟ اخذت؟؟ المركز الاول)))
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يا ذا الملك يا جبار يا فـرد يـا قـدوس=عليـك اتكالـي فـي الليالـي المقابيلـي
هجوسي بفضلك كونـت واقـع ملمـوس=سمت بي وانا اخايـل نجـوم تغنـي لـي
على مرقب يفخر به مصخـر الهاجـوس=وكـوره لعكفـان الشـوارب مداهيـلـي
تعلمـت مـن شرافتـه تجربـه ودروس=تفـردت فـي بـدع الحكـم والتماثيلـي
اقلط على فرخ السنام الهجـوس بجـوس=واعـد البيـوت لعشـق البـن والهيلـي
بيوت تليق بذروة المجـد شـم الـروس=هـم ال السعـود مخضبيـن المصاقيلـي
لا واجه وجيه القوم قوم وضريس ضروس=وغدى النو بارود ن ودم العـدى سيلـي
تعلو على الزلبات عرو بـدون رجـوس=تنحوا ولقوهـا سنـا الجـدي وسهيلـي
وخوو على حدب تسوق اللحـى للمـوس=سيـوف تمضـي لابسـات الخلاخيـلـي
شباها حمى قمة جبال وسهـل وطعـوس=فجوج وسـاع تفحـم الضمـر الحيلـي
بـلاد جراهـد بيدهـا معـدن ملبـوس=ملوحة بحرها عندنا اعـذب مـن النيلـي
حموها زمان ذاك فـارس وذا مفـروس=وشرب المصايب مثل شـرب الفناجيلـي
وبايعهـم احـرار تـدوس المنايـا دوس=على نهـج ديـن مثـل نـور القناديلـي
وحنا على نفس العهـد والعهـد نامـوس=حلاحيـل ونقـدم عهـدنـا لحلحيـلـي
ابومتعـبٍ لا دق للمعـركـه نـاقـوس=نطحها بصـدق مثـل صـدق المخاييلـي
عرفناه وعقاله علـى حاجبـه منكـوس=ونكّس حـراب تمـن الهجـن والخيلـي
على ثلـة هـذا انتحـاري وذا جاسـوس=وذولا مـصـاويـب وذولا مقاتـيـلـي
ملك له وقار وخبـط يمنـاه فالنسنـوس=وشرافته تسمـو عـن القـال والقيلـي
ملك لو يمر بوادي مـا تجيـه عسـوس=تهاوى عليه النـاس فالصبـح والليلـي
ملك تل سلطة كل خايـن وعبـد فلـوس=وتثبت حقوق الشعب جيلـن بعـد جيلـي
وعشنا تحت سقف العداله عـزاز نفـوس=على العهـد الاول عاصبيـن الدساميلـي
نعيش ونموت بعز للموطـن المحـروس=ويبقـى ولانـا للمـلـوك الحلاحيـلـي
[/poem]
thereddead1@hotmail.com
يا جليل الملك بيرق من نصاك يرزي = يـا ملاذ المستجير اسمك ذاري وعزي
مالي الا ذكـرك وذكـرك سـلاح المومـن=حزت فيهـا النفـوس مـن النفـوس تقـزي
احتمـى الموقـف وجيـت اسابـق الخيالـه=حـدد المضمـار والوجـه العزيـز يعـزي
راكـب صفـرا حوافرهـا تشـق البييـداء=ناصيتهـا تنتخـي بـي والرمـاح تـهـزي
مـن مرابـط عـاديـات نــدر سبقـهـا=كل ما حدت علـى فـض الصفـوف تفـزي
تجبد النخوه وانـا اصـوت لهـا وازهمهـا=واعتـزي واقـول يابنـت الريـاح اعتـزي
فـي نبـا عبـد العزيـز موحـد الجزيـره=ثاقـب النظـره عـدو الغاشـم المبـتـزي
ناحر الجهـل بخناجـر سطوتـه واعزومـه=النجايـب مفحـمـات والخـيـول تـلـزي
نادرحـول علـى نجـد ولـطـم عايلـهـا=وارتفـع صـوت ينـادي للفخـر والعـزي
الحـكـم لله ثــم لعبدالعـزيـز الفيـصـل=كل الاسماء فالجزيره تحـت حكـم معزي
|