منتديات المرقاب الأدبية - عرض مشاركة واحدة

23-08-2010, 04:44 AM

يا بوبدر عنـدي لـك الله سالفـه
نبغـا تزكيهـا ونبغـا شهـودهـا

يا ويش بنت وردوها مـن الضمـا
تروا ولا ضنـي يشـرف ورودهـا

تقبل على المقفي وتقبل على الـردا
تفهـق مهبلهـا وتبعـد حدودهـا

تتعب على بعض المواقـف بفعلهـا
وتخلد بدارٍ مـا يشـرف خلودهـا

تاكـل لحـومٍ حرموهـا بشرعنـا
تفرس حصانيها وتقهـر فهودهـا

اذل منها في العلـن مـا تشوفهـا
واشجع من السرحان لا اشتد عودها

اكذب من الكذاب واغدر من الردي
واحكم من الحجاج مـاشٍ يكودهـا

اروغ من الحصني على حد عرفهـا
الحيـه الرقطـا تبـدل جلـودهـا

سمٍ ذحـاح مـا تقـدم علـى نقـا
تبذل على شان المصايب جهودهـا

اذا نـوت بالهينـه مـا يهمـهـا
تحشد على شان البلاوي جنودهـا

تقبل على الجمع الغفيـر وتفرقـه
وتبعد مساحتهـا وتثبـت وجودهـا

هـذي مزاياهـا وهـذي علومهـا
دور واذا جاتـك فلطـم خـدودهـا

شاعر معنى ومتمكن

ماشاءالله

صح لسانك لين ترضى

سجل إعجابي ومتابعتي يالجزل

آخوك /