السلام عليكم ورحمة الله وبركاته
.
.
الأخوان في منتدى المرقاب
اتمنى ان اصل اليكم .

{ ذكرى المـــطر }

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
لا تنولد ياحب وتموت مقتول =بيدين جرح(ن) ما يبي جرح ثاني
شف السحاب بمزنة القلب مغسول =وشف الجفاف اشلون عم المحاني
وشف الحمام بـدفتري كيف مبلول=اخذ حروفي دمع وابها بكاني
ظل الهوى ياحب بالحزن مقيول=وانا بصمت الكون ضايع مكاني
مرات اقول الليل لحروفي اطبول=ومرات اقول الصبح ستري واماني
ومرات نبض الجرح في قلبي اخيول =ومرات شمع الصمت يضوي عشاني
محتار اسولف لدجى قصه افصول=فيها الخريف اختار عمري مواني
طاح الورق والريح في صدري اتجول=وذكرى المطر اغصان جرد(ن)تعاني
سنين عدت ما حدر قاعها اسيول=وطيورها ماتت عطش للأغاني
هذا انا ياحب عبد الله مقبول =قلبي سبق للجرح وفيه احتراني
وان جيت ادور في طريقي لك احلول=وشلون وقلبي هايمـ(ن)مالقاني
[/poem]