[poem=font="Traditional Arabic,6,burlywood,bold,normal" bkcolor="black" bkimage="" border="none,4,gray" type=2 line=1 align=center use=sp num="0,black""]
على البال يا شيخٍ على اسمه ينادى الطير= ليا جربوه اهل الصقاره ووفزّوله
مكانك مكانه ما تغيّر مع التغيير = اجاهر بفقدي لك مع الناس وآقوله
عليك القصايد مشفقه والشعور مغير = يواصلك لوّ الاتصالات مفصوله
نديبي ما يندب لك على طايره وبعير = وانا لو لقلبك عين ليشوفني حوله
سلامات يا سدّاح والعذر فالتقصير= تشيغلت عنك وعندك النفس مشغوله
معزّتك ماهي سرّ والقيه جوف البير= لا والله وسامٍ يفتخر فيه وبطوله
يا كثر الغياب اللي يجي غير بعدك غير = يعلّ الكبود الليل والصبح معلوله
ولك تنطلق عوص النجايب بلا تبرير = قصيدٍ ما يسرج للوفيين وشهوله
عسى الله يسهل للخطى كاتب التيسير= ونحمل لك التقدير من دوله لدوله
وعسى الله يمن بعافيتك ونراك بخير = هذي غاية القول ونباته ومحصوله[/poem]



:[/ALIGN][/COLOR][/SIZE][/FONT][/CELL][/TABLETEXT][/ALIGN]