مرثيه في خآلي
((بدر)) رحمه الله
الذي توفى العآم الماضي.....
وأحب أن أضعهآآ هنآ.......
ضاقت الدنيا علي وضاق بالي
والحزن خيّم عليّ وطال ليله
يالله اجبر خاطري والطف بحالي
مالنا غيرك الاهن نشتكيله
فاقدن لي رجل من روس الرجالي
خالي اللي غابله غيبه طويله
مير أنا عزاي في باقي خوالي
الرجال أهل الوفا وأهل الجميله
يالله اني طالبك ياخير والي
ترحم اللي صعب باحصل مثيله
ياالاه الكون يامنشي الخيالي
ترسل لقبره شخاتير المخيله
ياحمد خالي بدر شد الرحالي
والرجل لامن رحل مافيه حيله
أشهدن ابوك غالي ثم غالي
عندي وعند الرجال أهل الفضيله
من عرفته لايخاف ولايبالي
ومن عرفته مايجي فيه آي ميله
خالي اللي شالته غبر الليالي
عودته للناس هذي مستحيله
ويالله اني طالبك ياخير والي
ترحم اللي صعب باحصل مثيله
|