|
جناح الحمامه .!
كل عام وانتم بخير ،
متواضعة للتواصل مع الشعبي : ) !
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هبت هبوب الحزن والحزن مقسوم =للادمي حتى تطابق عظامه !
وآنا اتنفس منه ، لو كان مسموم =واللي يشمه مايشم السلامه !
آيام اعيش بخير ، وايام مهموم=واللي مطيحه صعب ، يصعب مقامه
كم لي وانا في خاطري زحمة علوم =وكم ليل ضيعني تشابك ظلامه
مانيب في ذله ولاني بمعدوم =آملك وجه ، لكن بدون ابتسامه
ابعد لزوم ان جيت له شبه ملزوم =اقرب لراسي من خيوط العمامه
لو ان قلبي فـ..آخر الوقت مظلوم =زودت حمله لين ضاع اهتمامه !
حوله حمام يحوم واشواقه تحوم =حرً ، بلا برقع لمح له لثامه !
لا اقبل على اللي شافها اقبال محروم = نتفت حبه من جناح الحمامه
مابيه يرجع لي من الحب مصدوم =ولا ابيه يفقد فـ.. القلوب ، إحترامه
ماله ومال الشك والخوف واللوم =وصمتً يرده لايكمل كلامه !
يبقى بقفص صدري مقدر ومحشوم = مقيم وآمله دوام الاقامه
وانا بفصلّي من احلامي هدوم =من خام صبر ، ومن خيوط الصرامه
والله ما اغبط غير من يقضي اليوم = من البيت .. للمسجد ..لمبنى دوامه !
ولا الحياه ظروفها دايم الدوم =خلف الحزين ، وفوق راسه ، وامامه !
قلبي قبل ( 20 ) ماهوب موسوم = واليوم له في كل قفله ،علامه
الحزن ماهوب اللي يردك عن النوم =بالعكس انا لاشان يومي آنامه
لكن ياعمري تريح ومخدوم =لاتلحق آيامك عشاني ملامه !
وان كان لي فرحة تكفي لها يوم = ياربي اجلها ليوم القيامه ![/poem]
|