.
.
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
للرمح ركزه وصيد الفكـر الـه فـزه=والحظ يغيـب تـاره ويحضـر تـاره
الطيّـب اقـدّره بالحـيـل واعــزه=واقوم في لازمه لـو طـال مشـواره
والمزح اله حزة ٍ والجـد الـه حـزه=واللي بيمنـاه اخـذ مـا رد بيسـاره
والكون مـا غيّـره والضلـع ماهـزه=طلاسـم مشعوذيـن وهـذر هــذاره
يا نفس عزتك ما يوصف بهـا عـزه=لو انك اكبـر عـدو بالسيّـه امـاره
لابـد تبقيـن محشومـه ومعـتـزه=اليا ارخص الرجل نفسه قـل مقـداره
ان كان ماهـو سليـم الفكـر ومنـزه=ويشن ضد الردى واهل الردى غـاره
وش هي له البهرجه وش هي له الرزه=لا صار عن شبر غيره تقصر اشبـاره
العـزه العـزه الله ينـصـر الـعـزه=والذل لا رحـم لابـوه ولابـو عـاره
الفقر لو اله اثر ما شفت اهـل غـزه=يواجهون الرصاص الشقـر بحجـاره
يحز فـي خاطـري ويجـوّد الحـزه=ابن الحمولـه ليا منـه طفـت نـاره
اليـا تدنّّـا وضرّاهـا علـى الــدزه=امـا ورا صاحـبـه ولا ورا جــاره
والعـزه العـزه الله ينصـر الـعـزه=والذل لارحـم لابـوه ولابـو عـاره[/poem]
..
|