منتديات المرقاب الأدبية - عرض مشاركة واحدة

13-09-2010, 02:51 AM

المشاركة الأصلية كتبت بواسطة طلال الجميلي

'

مسج لـ محمد الشويب :

على حسب وجهتك .. شف اجمل شي فـ المكان اللي بتروح له ،
و عندك متعب الشيباني .. خبره فـ اوروبا والهدايا اللي من هناك

: )

يبشر ابو خلف والله بـ المعلومات ..

اسمع ياابوخلف ..
اول شيء :- بـ اعلمك وين تمشى ..
تغانم ( باغيس ) <- لزوم اللغه هناك
ثم رح لـ شارع ( الشانز ) <- ترى اقصد الشانزليزيه بس عشان اعلمك اني امون على اهل الديره واختصر الاسم
لا جيت الشارع .. اسكن في ( الكونكورد ) ان كان تبا الهدوء , عانه على خط حمرور وانت طالع من الدوادمي ...
ولا ( الميرديان ) اذا تبي الصخب , عانه وانت طالع من عفيف على طريق المطار .. يجيك على حجاجك الايسر .. لوحته زرقاء
بس انصحك بـ ( الكونكورد ) .. عشان لا قمت من النوم
تآخذ قهوتك وتجي في ( فيّة الصبح ) تحت جدار الفندق .. وتقهوى قهوة الصبح ..
ثم ليا ( دخّنت القايله ) .. واحترت الشمس <- قصدي يعني عندنا في الخليج .. لأن هناك شمسهم ما تدخن :$ ..
رح لـ مطعم ( الديوان ) .. تراه قريّب في نفس الشانز <- مازال يمون :$ ..
واطلب ( حبة دجاج مع رز بخاري ) والله ياهم يضبطونها .. وترى عنده سلطه تهوّل العقل .. تآكل اصابعك مع دربها ..

:

واذا برّدت .. العصر قبل مطيح الشمس اخذ لك جوله في ( ديزني لاند ) ..
عندك المراجيح والزحليقات والفله والوناسه .. و صوّر مع ( ميكي ماوس ) ..
تراها على حد ( حديقة الامير سلمان ) اللي على شارع الدوادمي العام ..

:

ولا اصبحت النهار الثاني ..
لازم تصحى بدري عشان تروح لـ ( الحي اللاتيني ) .. لأنه ( مشيوير ) عن باريس ..
هناك تبا تلقى المقاهي والسياحه .. والبحيرات <- جته المعلومه الاخيره في الوقت بدل الضايع

:

:

و فيه ( قصر فرساي ) لو انك تهتم بـ التاريخ قلت لك رح له .. بس انت ( جغرافي ) اكثر من ان انك ( تاريخي ) .. عشان كذا بـ انصحك تروح لـ ( هضبة مونمارت ) .. تراها بيّنه .. تحالي لـ ( طميّه ) ..
هذي ما احسن من المقيال .. والقهوه تحتها

ولا برّد الجو اطلع في راسها وتهايق على باريس من فوق .. وترى ميزة الـ ( مونمارت ) .. ان تشاهد من اعلى <-

:

ونصيحه اخيره .. لا تجي [ برج ايفل ] .. ماغير حدايدٍ ملحّمه في بعض ..

واذا ملزم تشوف برج ايفل تعال عندنا للسعوديه , ونوريك ( ابراج الكهرباء ) حقت الضغط العالي ..
ونقول لك تخيلها بـ حجم اكبر ..

واذا قدّر الله عليك و رحت لـ برج ايفل .. فيه مكتبه عربيه هناك .. نسيت اسمها <- عايش الدور ..
اشتر لـ ( طلال ) هديه من هناك .. دفيترٍ صغيّر .. و هاته له يسجل فيه ( لكداته ) .. عشان تكون مرجع لـ الاجيال من بعده ..

وثاني شيء :- ان كان مااعجبتك ( باغيس ) ..
عليك بـ ( باريس نجد ) <- الدوادمي ..
وماحولها

وعفآك