غير هادئة
تقبلوها :
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
العمر رحلة والليالي تجاريب=وسر البحر من دونه الفين غبه
ولاصرت ودك تعرف أهل المواجيب=لاجات حزات المواقف تنبّه
وأفطن لصحبانك وكثر التراحيب =ماهي دليلٍ للغلا والمحبه
أبعد جنابك عن بعاض المعازيب=ومجلس قريبين النظر لا تطبه
تدرون ليه ملصقين العذاريب=يلحقّون أهل الجميل المسبه
لأنه مايذكر غير طاري المناصيب=ورأس الجمايل كل نودٍ تهبه
لاصرت ياذيب الخلا ما أنته بذيب=ماهو بشرطٍ كل ريع ٍ تذبه
إعرف ولاتشرف بروس المراقيب=وأجلد بدار ٍ بالأمن مستتبه
ورفيقي اللي مايعرف المواجيب=والله وأنا أخو عايض إني لكبه
الرفقه اللي شرعها منحرف عيب=تجنح براعيها لدربٍ مشبّه
ياصاحبي الأول ترى الشك والريب=في مامضى عجزت الأطباء في طبه
جنّب طريق اللي مايرغبك تجنيب=ماهو بلا ربك ولاأنته بربه
لاصرت ماتقدر تجاريه بالطيب=عيبٍ على لحيتك لا أقفى تسبه[/poem]
|