أبيات شعري كل ما جـات تختـال
وقّفوا لها اللي يعشقـون المعانـي
سطّرتها حشمـه وقيمـه ومنـزال
وأنزلتها بيـن الحشـا والمحانـي
وارسلتها مضمون تقديـر واجـلال
للوافي اللـي بالوفـا مـا نسانـي
الشامخ اللي كنـه الضلـع لا مـال
ظله يظلـل ربـع وأهـل وعوانـي
رجل تسموا بـه صناديـد وأبطـال
وتفاخـر بفعلـه عريـب المجانـي
رجل يهـز جبـال ويثبـت أجبـال
الطيب له مرهـون بـأول وثانـي
مبارك محيا ولـو قـال مـن قـال
ما والله أرضي فيه قاصـي ودآنـي
ومبارك محيا رجـل مالـه أمثـال
الا الجـدي ولا سهيـل اليمـانـي
شهادة أهل الطيـب رجـال رجـال
ماهـو كـلآم الامعـه والجبـانـي
تنشر له البيضا على روس الأقـذال
ويكرم جنابه عن جنـاب الطمانـي
هذا أختصار اللـي بقلبـي ولا زال
عالي مكانـك يـا سهيـل اليمانـي
والله وستين نعم فيك وفيه
وصح لسانك مليون ولا يكفون
مبدع وجميل يا سلطان
كل الود
آخووك
|