اعزائي اعضاء وزوار منتدى المرقاب
السلام عليكم ورحمة الله وبركاته
وكل عام وانتم بخير
اتمنى ان يكون ما ساطرحه اليوم من جديد الشاعر الكبير / رشيد الزلامي هو ما سيمحوا عتاب الاصحاب لطول الغياب عن منتدانا الغالي واللذي دام لاكثر من عام .
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] كل ديره مر بي وقتي عليها = بالشمال وبالجنوب وفي تهامه
ونجد دار المجد لو غبنا نجيها = دار سلمان المروه والشهامه
والديار النازحه ما عاد ابيها = طالت الرحله ويالله السلامه
مابقى بالسوق حاجه نشتريها = غير وحده من علامات القيامه
وقبل ذيك الساعه اللي نحتريها = باعتقادي كل شي الا الكرامه
كلمتي مضمونها منها وفيها = ماعطيت السر لباس العمامه
دوك يازرقا اليمامه حلليها = والبقا لله يازرقا اليمامه
باق الاخبار اسمعيها واتركيها = لا يهمك ركض ريمه والنعامه
ماتسوي شي لو مدت يديها = لو يصيح غراب وتغرد حمامه[/poem]
وانا ليا شفت الجفـا مـن رفيقـي=وصار الامل حبر ٍ على بيض الاوراق
قابلـت غلطاتـه بوجـهٍ طليـقـي=ونظرت له نظرة محـب ٍ ومشتـاق
أعطيه حتـى مـن منامـه يفيقـي=لا كلمةٍ سمعـت ولا خاطـرٍ ضـاق
حتى يعـرف انـي رفيـقٍ حقيقـي=وليا انحرف ماهو على باب الارزاق
يروح في دربه وانـا فـي طريقـي=من خلقت الدنيا بها جمـع وافـراق
وعليّ بيبـان الفـرج مـا تضيـق=أسوقها فـي كـل ديـره وتنسـاق
وابعد عن اللي رفقتـه مـا تليقـي=ماني على جنبـه معلّـق بمعـلاق
ياكثر مالي في الدير مـن صديقـي=لا بارت العملـه وشحّـن الاسـواق