اخواني وزملائي اعضاء وزوار منتديات المرقاب الادبيه السلام عليكم ورحمة الله وبركاته
هذه اول مشاركه لي في هذا الصرح الشامخ بوجودكم واللذي اتشرف بان اكون احد اعضاءه
واتمنى ان تنال اعجابكم واستحسانكم ولكم جزيل الشكر



[poem=font="Simplified Arabic,4,black,normal,normal" bkcolor="transparent" bkimage="" border="double,4,gray" type=0 line=0 align=center use=ex num="0,black""]
الوقت رحله والليالي تمشيه=ومهما حصل فالوقت مابه غرابه
تدور مكراته وتظهر خوافيه=وينهشك نابه لو ضحك لك بنابه
والعمر سلك بيض الايام تطويه=والموت موس ن يقطعه مادرابه
وطبع الزمن يمشي على عدة اوجيه=وطبع البشر والوقت بينه تشابه
اليوم كلن قام يتبع مشاهيه=وعلى الخطا والصح يشعب ركابه
والجاهل ليا عال محدن يقديه=لو ان اله عقال محدن شقابه
والعاقل اصبح ناقص العقل يوصيه=وحداه عن درب السنع واحتدابه
والشايب اللي شايباتن نواصيه=معاد تسمع فالمجالس جوابه
واليا هرج تواغضوا بالنضر فيه=ماكن اله قيمه وقدر ومهابه
يضحك به اللي مايساوي مواطيه=خبلن ضعيف راس ماله ثيابه
مايدري ان اللي وطا الفعر واطيه=لو غرته بالزين زهرة شبابه
وقت ن عسا ربي يهون بلاويه=حرام مايسوى جناح الذبابه
حتى عريب الساس غير مباديه=وابليس شب النار بين القرابه
اليوم ياكثر الضيق والمشاريه=جابه تجيك بحول عشرين جابه
والعلم صار يجيه ناس ن تلويه=تناولوه امحرفين الكتابه
لكن خلك عند من لاتثق فيه=حصنن حصين ايموت مافك بابه
واخذ الحذر فالهرج قدام تبديه=واعرف سوالك قبل تسمع جوابه
من لايميز هرجته زال يمديه=يندم ليا ميز خطاه وصوابه
ومن لاحترص قدم النواجيل ترميه=يبرك على كوعه نهار المجابه
ومن لاتجود في قوي ن يقويه=لو عارضه سيل النحاه انتحابه
ومن كثر الاريا والاشوار تعميه=وعزي لمن راي الغشيم اقتدابه
ورجل ن ربوعه ماتعضد لاياديه=سيف ن تكسر سلته من نصابه
والربع عن صفق العواصيف تذريه=اليا اختلط عج الزمان وضبابه
من كب ربعه لو الاموال تغنيه=يذكر ليا من الزمان التوابه
فان جاك زله من رفيق مصافيه=افتح لها صدرك بوسع ورحابه
لو كان ودك بالجزى لاتجازيه=الا بطيب وكن رمحك صطابه
انا اشهد ان الطيب رده لناسيه=مكوى حكيم ن شبله وارتكابه
والذيب ذيب ولا يبا من يوصيه=لاصار ذيب ومن سلالة ذيابه[/poem]