مانيـب فـي ذلـه ولانـي بمـعـدوم
آملك وجـه ، لكـن بـدون ابتسامـه
ابعد لزوم ان جيت لـه شبـه ملـزوم
اقرب لراسـي مـن خيـوط العمامـه
لو ان قلبي ف..آخر الوقـت مظلـوم
زودت حمله ليـن ضـاع اهتمامـه !
حوله حمـام يحـوم واشواقـه تحـوم
حرً ، بـلا برقـع لمـح لـه لثامـه !
لا اقبل على اللي شافها اقبال محـروم
نتفـت حبـه مـن جنـاح الحمـامـه
مابيه يرجع لي مـن الحـب مصـدوم
ولا ابيه يفقد ف.. القلوب ، إحترامـه
ماله ومال الشـك والخـوف واللـوم
وصمـتً يـرده لايكمـل كـلامـه !
يبقى بقفص صدري مقـدر ومحشـوم
مقـيـم وآمـلــه دوام الاقـامــه
وانـا بفصلّـي مـن احلامـي هـدوم
من خام صبر ، ومن خيوط الصرامـه
والله ما اغبط غير من يقضـي اليـوم
من البيت .. للمسجد ..لمبنى دوامه !
ولا الحيـاه ظروفهـا دايـم الــدوم
خلف الحزين ، وفوق راسه ، وامامه !
قلبي قبـل ( 20 ) ماهـوب موسـوم
واليوم لـه فـي كـل قفلـه ،علامـه
الحزن ماهوب اللي يردك عـن النـوم
بالعكـس انـا لاشـان يومـي آنامـه
لكـن ياعمـري تـريـح ومـخـدوم
لاتلحـق آيامـك عشانـي مـلامـه !
وان كان لي فرحة تكفـي لهـا يـوم
ياربـي اجلهـا لـيـوم القيـامـه !
يحلو بدعك يبو محمد ومليان صدق
صح لسانك
تحياتي
|