[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] باب الخشب روحوا وانفضت السهرة=راحوا وخلوا بقايا التبغ شبابه
اللي لبس معطفه واعطى السهر ظهره= واللي سرى به نسيم الشوق لاحبابه
والباقي اثنين انا وانته من العشرة=فضفض ترى الليل صحرا هم وذيابه
يا باب انا وانت مقطوعين من شجرة= من شجرة الشعر انا وانته من الغابه
شف كم سنة وانت واقف تحرس الحجره=وانا على كل بيت من الشعر بابه!
ضحيت با الغابه وبا الما وبا الخضره= وضحى حمد لا جل بيت الشعر باعصابه!
ياالشامخ اللي عطى فاس الحطب عمره=وطول الزمن ما عبس في وجه حطابه
يا كبر صبرك وذنب الفاس يا كبره= اللي قطع عودك اللين من ترابه!
ايوب يمكن عطاك شوي من صبره= لكن لي ما عطى صبره وجلبابه
تصفق بك الريح لا مرتك منتثرة=وتضحك لها درفتينك ناي وربابه!
يا كثر ما خلفك من اسرار مندثره=اقلها رمية الانسان بثيابه!
يا باب ابقفلك واحفظ باقي العشرة= لو شجرة الشعر خانت شجرة الغابه![/poem]