من ذكريات وادي رم( 1)
الشعور الخافيه
[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله يبارك في القصيده يوم لبت مطلبي.!!=لان القصيده دورها شرح الشعور الخافيه
اللحيه اللي ماتقدرني وأنا أمسّ شنبي=ياجعلها تفداك يانسل الرجال الوافيه
شبيت ناري من ضلوعي ماتسلفت حطبي=ياجعلني ما أحتاج لاصحاب الوجيه الهافيه
اللي تحسب أن المشالح كنها سود العبي=أقوالهم متوافقه وأفعالهم متنافيه
أشره علي أليا أشتكى جور الحموله منكبي=تمشي قدم رجلي على درب المخاطر حافيه
وآكل من جنوب الظبي ما آلد في راس الظبي=واليا وردت آرد على جم العدود الصافيه
وأسعى وأروم المرجله وأمشي ولا أعرف الحبي=وأختار من جزل الطروق اللي تجيب العافيه
وأتعب على جلب المعاني لين ينزاح تعبي=ماهوب شعر ٍ مايحكمه غير وزن وقافيه
تأكسد الساحه يشجعني على صون ذهبي=أحميه عن جو الطقوس البارده والدافيه
أحيان أدوّر حكمتي من تجربة شخص ٍ غبي=وأحيان أدوّر عذر لاصحابي ولو هي جافيه
وأقدّر وجيه الرجال اللي تقدر منسبي=وأجابتي دايم على قد السؤال وشافيه
الطيب كايد مير ياهونه على الحر الأبي=مايستوي للي رقد وأمسى وناره طافيه
في ظل تغيير المذاهب ماتغيّر مذهبي=ألبس وأفصّل لي على قدّي ثياب ٍ ضافيه
شاعر ومعرفة الرجال من القصايد مكسبي=لا قيل صحّ لسان ابن مرهب تراها كافيه
واللحيه اللي ماتقدرني وأنا أمسّ شنبي=ياجعلها تفداك يانسل الرجال الوافيه
[/poem]
|