|
فقر المشاعر
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
لجل أسد الدين ملزوم أتديَن = والهوا دين الهواوي .. وانت داين
واتبين في وصوفك واتعيَن = واتدين منك .. وايامي رهاين
واتحرا كل فرصه .. واتحيَن = لين صرت انا وقلبي لك زباين
الفقر .. فالمال لافالحال هيَن = من تحزم للقسا يصبح هواين
الفقر .. فقر المشاعر ياحنيَن = لاسلام .. ولاكلام .. ولامعاين
كلما لديت ماشفتك تبيَن = والبلا عقب الغلا فالحال باين
بكرة ٍ عفرا ولاودك اتزيَن = بالجلال .. وبالقلاده .. فالمزاين
ضوح برق ٍ في سواد الليل بيَن = حيم من دونه محيلات الضعاين
عود راك ٍ في دكاك الارض ليَن = جال نجل السيل في ضف العراين
وان فقدتك ماوجدتك .. وين أعيَن = مثل وصفك فالقرايا والمداين
مشي طير .. وكبر أمير .. وسمت ديَن = والتفات مذيره بعيون خاين
والحلا والذوق والنطق المبيَن = والتناسق .. والتناغم .. والتباين
ياعسى من زين اوصافك يزيَن = حال من حاله بعد فرقاك شاين
تعتذر عقب البطا والا تشيَن = في ظروف الوقت والا الوقت حاين
والولا لك .. والغلابك .. والتديَن = منك وايامي على كفك رهاين
[/poem]
الشعر في معنى اللغه يعني شعور=والناس تشرح بالقصيد شعورها
اهل الادب حطوا له اوزان وبحور=وانا بمعرفتي سبحت بحورها
محمد بن راشد البقمي
aborashd_m@hotmail.com
|