السلام عليكم ورحمة الله وبركاته ,

وأسعد الله أوقاتكم متواضعه جداً أتمنى لها القبول ....

.
.
.

لا تعاتبني علـى الصـد وأسبـاب الغيـاب=شمت عن فـرط العلاقـه ونوخّـت البعيـر
أتسيجج عنـك وأحـث للفرقـا الركـاب=وأتغانم فرصة العمـر فـي الوقـت الأخيـر
وأتخيّل وحشة الليـل فـ/ عيـون الذيـاب=وأتسـاوى للمسـاري وانـا مانـي بخـيـر
وأتغافل عـن ظـروفٍ لهـا مليـون بـاب=مثل من ثلّمت سيوفه ضحى اليـوم الكبيـر
راحت أحلام الليالي علـى متـن السحـاب=وأنتهى وقت التسلّـي بعـد صـاح النذيـر
الصبر ماعـاد يمديـه عقـب العـزم شـاب=والله أعلم وش بعدهـا مـع الدنيـا يصيـر
وهييه ياللي في محاويـكِ مـا لـذَ وطـاب=آه لو تدري وش اللي قطـع سلـك الحريـر
المحبـه فالخفـا مـا وراهـا الأ الـعـذاب=والتصـادم فـي المفاهيـم شـرٍ مستطـيـر
داريٍ والله يسامحـك يـا دمـث الجـنـاب=لو خفت صوت الهوى ما خفت صوت الضمير
كيف تروى وأنت عينك لضحضاح السرآب=ما قنعَـت مـن الحقيقـه وتحديـد المصيـر
مانشدتك لجـل أبـرّر وأدور لـي جـواب=الزمـان يطيّـر اللـي جناحـه مـا يطيـر
أحسب حساب المقابيـل لا قـل الزهـاب=وأوصّد أبواب المشاهـي وفكّـر وأستخيـر
من غدر مبـداه وشلـون تستّـره الثيـاب=ومن زهد لله ما يطمـع فـ/ بشـت الأميـر
خلها نقطـة حبـر فـي جناحيـن الغـراب=وأذكر أن اللبْ يغني عـن الشـيء الكثيـر

.

.
.



وسلامتكم