منتديات المرقاب الأدبية - عرض مشاركة واحدة

03-10-2010, 10:33 PM

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لي وأنا ماشفت نور العين ... خمس أشهوري=الظـروف تحدنـي ... مـن عقـب ماحددهـا

الله أكبـر والنفـل يطغـى عليـه الـجـوري=والليال البيض ... لو تسهربها ...ترصدهـا !!

دام نبض القلب نبضي ... والشعور شعـوري=القصايـد تفتخربـي ... عـقـب ماعانـدهـا

أن حكيت الشعـر يزهـر بالحظـور حظـوري=وأن ذكـرت السالفـه يطربـهـا مشاهـدهـا

والمحبه ... ظلمها لأهـل الهـوى مشهـوري=أكثـر العالـم ... تعاديهـا ... ولاتعاهدهـا !!

شوفني مثل الجبـل ... والمرجلـة دستـوري=بس أروح أكتاف ... لامن أشـرّت فـي يدهـا

الهـوى طمّـن شـوارب ماتـرد الـشـوري=والغلا ... صحى شيوخ القـوم مـن مرقدهـا

ياحلو شوف العيون ... اللـي تضيّـع طـوري=زينها مثـل القصيـدة يـوم أجـي وأقصدهـا

لاقست ... تشبه تصرّاف ... النظام السـوري=وأن رضت ... شفت السحابه بالفرح تحسدهـا

ولا وقفت ... ودك تصورها بصـوره فـوري=ولامشـت ... خطواتهـا مـن قلّهـا تعددهـا

وأن حكت ... تسقط نعـارة عزتـك يالـدوري=وتضحك ... ويضحك جميع الكون ويعايدهـا !!

من تكيّف ... كيف دلتها ... وكيـف الغـوري=ياخذ أسبوعين ... والجمه ... غصب ياردها !!

الحلا فيهـا طبيعـي ... والقـوام أسطـوري=والمصيبه لـو أوصفهـا ... أخـاف أحسدهـا

صنع في اليابان ... ماهو مثل ... صنع الكوري=وصنع رب الكون بالخفيّه ... (( آمر وآدها ))

الله الله يالقصـيـد بفزعـتـك مـشـكـوري=أشهدنك كيف راسـي ... والحـواس أجهدهـا

أبك شوقي وسـط قلبـي ... مايشيلـه لـوري=شاله القلـب الرهيـف ... وصحتـي هددهـا

كل ماشفته ... يغـرد بالغـلا ... عصفـوري=ويتبسـم للقصيـدة ... وأبتسـم وأزهدهـا !!

قلـت لـه كـل القصيـده ليـن نشّـف زوري=ويوم خلصّت القصيـده ... قـال تكفـا عدهـا[/poem]