[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الكلمة الخايبه لا جتك مـن خايـب=كـرم مسامعـك عنهـا لا تعبرهـا
ماجابها الأ ضعيف النفس والعايـب=أدعس عليهـا برجلـك لاتكبرهـا
بس المصيبه ليا من جتك من شايب=قـدم الرياجيـل قيسهـا وشبرهـا
ما أنته بعن ردها في وقتها هايـب=تقدر علـى ردهـا تقـدر تدبرهـا
لكن تدرى النقد من غالـيً غايـب=وتخاف من شرهة العالم وأكابرهـا
تسكت عليها غصب لو حقها صايب=بقصى ضلوعك تكفنهـا وتقبرهـا
عشان ماتوصل اللي دمهـم رايـب=ولا توصل لشلةً فالنـاس خابرهـا
ولا تنتشر ذا موديهـا وذا جايـب=وتحطها أهل المحابر مع محابرهـا
هاذي رسالة غضب من خاطرً طايب=وأهل المنابر تعلـت فـي منابرهـا
قال المثل ياطويل العمـر ياشايـب=الفرق بين النشامى فـي مخابرهـا
[/poem]