الصوره هذي الي تم التقاطها ليست قديمه وانما وليدة سنيتن او ثلاث ....
بوية الفصل لونها تفاحي والماسات والكراسي نفس الون ......... ايضاً الوحه الخشبيه التي في الخلف
وطاولة المعلم . يعني هذي الصوره طازه
الحقيقه انا درستهم في اليلي ....المنازل ايام الإختبارات بس عاد المنازل اصغر سن منهم .
عام 1425 هـ كنت ادرسهم ليلي ............. المهم انا عاد اشرح لكن احاول اني ما اتكلم باللغه العربيه ...... يقول الني صلى الله عليه وسلم ( خاطب الناس على قدر عقولهم ) وانا مدهر في الشرح يوم التفت اليا واحد من الشيبان يسولف مع العود الي جنبه ....... قلت يبو فلان الله يخلي لي هالخشم خلني اغلق ثم سولف على كيفك ..... قال ابشر ............. اخذت خمس دقايق ويوم التفت اليا صاحبي يسولف ... قفلت القلم ... وسحبت الكرسي وجلست ..... قلت غلقوا علمكم وعلموني عشان اكمل .. طبعاً انا مبتسم ماقدر اقولها بغضب لأني والله اني استحي منهم ........ ضحكوا وقالوا ابشر بالسعد والله ماعاد نثنيها قلت والله ما اكمل الشرح لين تعلموني وش هالسالفه الي مشغلتكم عن الشرح .... وبعد اخذ وعطا... طلعوا بيتخاشرون في غنم حوليه شافوها اليوم ....
طبعاً انا قلت وش من غنم وش تحتها وش اكبارها ......... يعني اني مهتم في الموضوع ..... بس الحقيقه والله ماعندك احد ..
|