منتديات المرقاب الأدبية - عرض مشاركة واحدة

06-10-2010, 11:56 PM

يانصفه.. اللي خذا نصفه.. نصف نصفي
نصفي .. على نصفه الباقي.. يناديني‏

النصف الاول.. وضع يده على كتفي
والنصف الآخر.. يبي دينه على ديني‏

تمتد الآمال.. من صغري ليا حتفي
وتشتد الاحوال.. واعماقي تعزيني‏

اشوف بالعمق.. شمعة حلمنا تطفي
واشوف بالصبر.. تسويفه تضويني‏

مايدري اني على ظنه.. بديت اغفي
ولايدري انه على ظني .. يطفيني ‏

لو كنت بأظنونه اسهر.. مابخل عطفي
ولو جاد عطفه على ليلي.. رحل فيني‏

امدد الجرح.. واسمع يابشر يكفي
واردد الصوت.. باقي.. مايكفيني‏

لو الصبر .. علقمه.. لجروحنا يشفي
ماكان.. خوفي على الباكر.. يخاويني‏

ليت الزمن يلطف بلطف" منه لطفي
يمكن سواد امس.. من ذنبه يعافيني‏

مجهول غدي.. على يومي.. سكب نزفي
ومجهول يومي.. ورى غدي.. يخفيني!

نصفي.. نهاية ضياع الكل من نصفي
ونصف النهاية.. من الماضي.. يقهويني