محمد
سلام للمرقاب واللي من على راسه يذيع
.........اما شوارد تنسمـع والا فرايـد تنقـري
يا معدي المرقاب مدري تشتري والا تبيع
.........ما يهبط الاسواق غير اللي يبيع ويشتري
معدي
يامرحبا ترحبة ن تبدي على روس الجميع
ــــــــــــ قدامك العد القراح ولا عليك الا الجري
حنا لها واللي تبيه يصير بالبال الوسيع
ــــــــــــ اما الذهب نشريه والمعدن يودى السمكري
محمد
دام البقا وانتم لها لكـن فالكـوون البديـع
.......كوكب تعلى يا معدي عن زحـل والمشتـري
الصيف دوب اشتد قيضه وانتحى فصل الربيع
.......الله يعين اللي يقص الدرب بالعظـم الطـري
معدي
انته تعلم لك معلم والمعلم مايضيع
ــــــــــ يا الله عسى فيك ابركه قدام ماترجع قري
اهل النيامس فالمباطح والسبور بكل ريع
ـــــــــــ والدار محكومه يابن مسفر وحاكمها جري
محمد
عندي علوم معلم العميان والليله يطيـع
.........وقته ولا هو ساريً له ليلة مـا تنسـري
الذيب الامعط من يرده بالعصاة عن القطيع
.........ان كان باع الرجل روحه عد بطنه منفري
معدي
مانته بابن شالح ولاخوشالح القرم الفديع
ـــــــــــ وان كان ابن مسفر ثري غيره من العالم ثري
الذيب الامعط لاضوى لايلمسه حد الذريع
ــــــــــ قدام لايسريبها يخور اخوار البربري
محمد
صحيح لكن ماعليه زود ليـث ومستطيـع
........احلم واشيم وان نويت انهش بنابي وافتري
يا ذود ياللي ما عليك وسوم حرب ولا سبيع
........راعيك من بعض العلوم الطيبه ماهو صري
معدي
ماقول فيك اخلاف مار الزبد تكفاء لايميع
ـــــــــــــــ قدام لاتطلع على المرقاب مر البحتري
مالك ومال الحره اللي دونها شوك النقيع
ـــــــــــــــ خلك بحالك لاتعود متهم وانت البري
محمد
السيف دون السلعة اللي شانها شانً رفيـع
.........والمشيخة ماهي بكبر الجيب والثوب الزري
في مشرط الحجام طب يعالج الراس الصديع
..........حتى ما عاد يخاف لاسلط عليه المجهـري
|